Quarashi stríðir aðdáendum

Hljómsveitin Quarashi er búin að setja fimmtán sekúndna langan bút úr nýjasta lagi sínu, Rock On, á YouTube en lagið verður frumflutt í dag.

Er þetta fyrsta lag sem Quarashi gefur út í tíu ár.

„Til að ná upprunalega sándinu voru grafnar upp upptökugræjur sem voru í notkun í byrjun tíunda áratugarins auk annarra hjálpartækja sem þóttu ómissandi við upptökur á tónlist Quarashi á þessum tíma. Við reyndum að endurskapa stemninguna árið 1996,“ sagði Sölvi Blöndal, meðlimur sveitarinnar í samtali við Fréttablaðið í vikunni.

Bútinn úr laginu má sjá hér fyrir neðan.