Lauf­ey segir skilið við Wasserman í skugga Epstein-skandals

Dægurmálamiðillinn The Hollywood Reporter greindi frá ákvörðun Laufeyjar. Ekki kemur þó fram hvers vegna Laufey hefur ákveðið að hætta hjá skrifstofunni eða hvort hún hafi tekið ákvörðunina áður en Epstein-mál forstjórans kom upp á yfirborðið á síðustu vikum. 

Heimildarmaður Hollywood Reporter segir brotthvarf Laufeyjar hafa legið fyrir áður en Wasserman tilkynnti á föstudag að hann ætlaði að selja fyrirtækið.

Laufey hefur ekki tjáð sig um málið en hún er um þessar mundir á tónleikaferðalagi um Evrópu sem lýkur á Íslandi um miðjan mars. 

Ljóst er þó að ákvörðun Laufeyjar er blóðtaka fyrir fyrirtækið sem hefur nú misst tvo af sínum stærstu skjólstæðingum. Ekki hækkar verðið fyrir Wasserman sem vill reyna að selja fyrirtækið á góðum prís.

Fréttin hefur verið uppfærð. Í upphaflegri útgáfu kom fram að Laufey hefði yfirgefið umboðssfyrirtækið Foundations. Hið rétta er að tónlistarkonan hefur einungis slitið viðskiptasambandi sínu við Wasserman.