Skorið úr um matsmenn í máli Annþórs og Barkar

Stefán Árni Pálsson skrifar 1. apríl 2014 10:14

Kveðinn verður upp úrskurður í máli ákæruvaldsins gegn Annþóri Karlssyni og Berki Birgissyni í Héraðsdómi Suðurlands í dag um það hvort erlendir yfirmatsmenn komi nálægt málinu.

Annþór og Börkur sæta ákæru fyrir að hafa ráðist á samfanga sinn, Sigurð Hólm Sigurðsson, á Litla-Hrauni í maí árið 2012 með þeim afleiðingum að milta hans rofnaði og hann lést í kjölfarið. Þeir neita sök.

Verjendur Annþórs Kristjáns Karlssonar og Barkar Birgissonar treysta því ekki að íslenskir sérfræðingar gæti hlutlægni í í máli þar sem tvímenningarnir eru sakaðir um líkamsárás á Litla-Hrauni sem leiddi til dauða.

Þeir hafa þess vegna farið fram á yfir- og endurmat tveggja þýskra sérfræðinga á rannsóknarniðurstöðum Þóru Steffensen, réttarmeinafræðings.

„Við óskum eftir yfirmati til að mynda í atferlisfræðinni en þar er verið að meta myndbandsupptöku. Það er búið að leggja það til að matsmennirnir verður erlendir og við höfum fundið slíka sérfræðinga. Það var sérstaklega erfitt að finna aðila sem eru tækir til í atferlisfræðinni,“ sagði Sveinn Guðmundsson, lögmaður Barkar, í samtali við Vísi í mars.

Mál Annþórs og Barkar Dómsmál

Tengdar fréttir

Tekist á um erlendu sérfræðingana í máli Annþórs og Barkar

Fyrirtaka í máli ákæruvaldsins gegn Annþóri Karlssyni og Berki Birgissyni fór fram á ellefta tímanum í morgun í Héraðsdómi Suðurlands.

19. mars 2014 10:48

Vilja tvo þýska sérfræðinga sem yfirmatsmenn

"Ég lagði fram tillögur um tvo þýska sérfræðinga og gerði kröfu um að þeir yrðu dómkvaddir sem yfirmatsmenn á mat Þóru Steffensen,“ segir Hólmgeir Elías Flosason, lögmaður Annþórs Karlssonar. Fyrirtaka í máli Annþórs og Barkar fór fram í morgun.

19. mars 2014 11:53

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir