Klopp: Ekkert mál að svara heimskulega

Jürgen Klopp var ekki í góðu skapi eftir 3-0 tap sinna manna í Dortmund fyrir Real Madrid í gær.

Klopp var gestur í myndveri þýsku stöðvarinnar ZDF eftir leikinn og var spurður hvort að þetta væri nú ekki bara búið, þó svo að síðari leikurinn væri eftir í Þýskalandi.

„Hvernig á ég að fá mín laun borguð ef ég stend hér og segi að þetta sé búið?“ sagði hann eftir stutta umhugsun.

„Það væri alveg jafn heimskulegt að segja að við ætluðum að bursta þá en ég ætla ekki að standa hér í þessu myndveri og láta espa mig upp í að segja heimskulega hluti.“

„Það er ekkert mál að gefa heimskuleg svör við heimskulegum spurningum,“ bætti hann svo við.

„Herr Klopp, er þetta búið? Já, en við þurfum að spila einn leik til viðbótar,“ bætti Klopp við í kaldhæðni. „Erum við þá búnir?“ spurði hann, lagði frá sér hljóðnemann og gekk í burtu.