Norður-Kóreumenn reiðir yfir flugskeytaprófunum

Norður-Kórea skammaði Suður-Kóreu fyrir að hafa framkvæmt prófanir á langdrægum flugskeytum í lok síðasta mánaðar. Þetta kemur fram á Korea Herald.

Flugskeytinu var skotið frá Seúl og lenti á svæði notað undir vopnaprófanir dágóðan spöl frá höfuðborginni. Skeytið getur drifið 500 kílómetra og haft heilt tonn af sprengiefnum í farteskinu.

Þar eð loftskeytið er svo langdrægt hafa Norður-Kóreumenn brugðist harðlega við, en sé því skotið frá Suður-Kóreu drífur það hvert sem er innan landamæra kommúnistaríkisins á norðurhluta Kóreuskaga.

"Ef loftskeyti Bandaríkjanna eða Suður-Kóreu snertir landsvæði norður-kóreska lýðveldisins mun Norður-Kórea mylja öll höfuðvígi óvinarins mélinu smærra með vægðarlausri loftskeytarigningu," sagði í tilkynningu Norður-Kóreu.

Síðustu vikur hefur norður-kóreski herinn skotið allmörgum tilraunaflaugum á loft, en ein þeirra hæfði næstum kínverska farþegaflugvél sem átti leið hjá.