Erlent

Staðfesta að leiðtogi al-Shabab hafi fallið

Samúel Karl Ólason skrifar
Skjáskot af Abdi Godane úr myndbandi sem al-Shabab samtökin birtu.
Skjáskot af Abdi Godane úr myndbandi sem al-Shabab samtökin birtu. Vísir/AFP
Yfirvöld í Bandaríkjunum hafa staðfest að Ahmed Abdi Godane, leiðtogi al-Shabab hryðjuverkasamtakana í Sómalíu, hafi fallið í loftárás fyrr í vikunni. Sjö milljónir dala voru settar til höfuðs hans, en það samsvarar um 830 milljónum króna.

Abdi Godane féll í loftárás Bandaríkjanna á mánudaginn, þar sem hann var á ferðalagi í bíl sínum.

Í tilkynningu frá Pentagon segir að fráfall leiðtogans sé mikið áfall fyrir al-Shabab samtökin. Á vef BBC segir að Bandaríkin hafi aðstoða Afríkusambandið í baráttunni við hryðjuverkasamtökin og tekið þátt í að reka vígamenn þeirra úr höfuðborg Sómalíu, Mogadishu.

Abdi Godane lýsti yfir ábyrgð á hryðjuverkaárásinni á Westgate verslunarmiðstöðina í september í fyrra. En undir leiðsögn hans hafa al-Shabab samtökin lýst yfir ábyrgð á mörgum árásum í Sómalíu og Austur-Afríku.

BBC hefur eftir talsmanni Hvíta hússins að Bandaríkin muni halda áfram að styðja stjórnvöld Sómalíu og berjast gegn al-Shabab.


Tengdar fréttir

Bifreið Godane sprengd upp

Leiðtogi öfgahreyfingarinnar Al Shabab var í annarri af tveimur bifreiðum sem urðu fyrir loftárás Bandaríkjahers í Sómalíu á mánudag.

Norska leyniþjónustan reyndi að tala hryðjuverkamanninn til

Norska leyniþjónustan reyndi að telja Hassan Abdi Dhulow, ofan af því að slást í lið með Sómölskum hryðjuverkamönnum fyrir þremur árum síðan. Hassan var einn af þeim sem réðust inn í Westgate verslunarmiðstöðina í Kenýa á dögunum en hann ólst upp í Noregi sem flóttamaður frá Sómalíu.

Sex manns stóðu að árásinni

Hernaðaryfirvöld í Kenía hafa nafngreint fjóra menn sem taldir eru bera ábyrgð á hryðjuverkaárásinni á Westgate verslunarmiðstöðina í Naíróbí í síðasta mánuði.

Mest lesið


Fleiri fréttir

Sjá meira


×

Mest lesið