Sammála um Sýrlandsályktun

Bandaríkin og Rússland hafa náð samkomulagi um orðalag Sýrlandsályktunar, sem lögð verður fyrir öryggisráð Sameinuðu þjóðanna síðar í kvöld.

Mark Lyall, fastafulltrúi Breta hjá Sameinuðu þjóðunum, skýrði frá þessu á Twitter.

Hann segir þar að á fundi fastaríkjanna fimm, sem hafa neitunarvald í öryggisráðinu, hafi náðst samkomulag um ályktun, sem með bindandi orðalagi og sem felur í sér að hægt verði að fylgja því eftir að hún komist til framkvæmda.

Fastaríkin fimm eru Bandaríkin, Rússland, Kína, Bretland og Frakkland.

Bandarísk og rússnesk stjórnvöld hafa til þessa verið ósammála um orðalag ályktunarinnar. Ágreiningurinn fólst í því að Rússar hafa ekki viljað að í ályktuninni yrði hótun um valdbeitingu, standi Sýrlendingar ekki við þær kröfur sem gera á til þeirra um eyðingu efnavopna.