Leiðtogar Kína boða endurbætur

Stjórnvöld í Kína hafa opinberað áætlanir um endurbætur á stjórnsýslu- og markaðsumhverfi landsins.  Hafa þau sagt að hinn frjálsi markaður muni spila stærra hlutverk í Kína. Ný nefnd mun stjórna innlendu öryggi og verjast gegn félagslegri ólgu.

Yfirlýsing um þetta kemur í kjölfar fundar 376 valdamestu manna Kína, miðstjórnar Kommúnistaflokksins, sem iðulega er haldinn ári eftir að nýir leiðtogar taka við stjórn ríkisins. Sagt er frá málinu á vef BBC.

Leiðtogar Kommúnistaflokksins sögðu að mörkuðum yrði gefið meira frelsi en ríkiseign myndi áfram vera stoðir efnahagsins. „Kjarni málsins er að lagfæra sambandið á milli stjórnvalda og markaðsins, að gera honum kleyft að stýra dreifingu auðlinda að meira leyti og að bæta hlutverk ríkisstjórnarinnar,“ sagði í tilkynningu frá flokknum.

Nánari upplýsingar um hvað var samþykkt á fundinum munu líta dagsins ljós á komandi dögum og vikum, samkvæmt fréttaritar BBC er næsta verk nefndarmanna að sannfæra embættismenn undir þeim að innleiða endurbæturnar.