Erlent

Tveir létust í sjálfsmorðssprengingu við sendiráð Bandaríkjanna

JHH skrifar
Nordicphotos/AFP
Sprengja sprakk við sendiráð Bandaríkjanna í Ankara, höfuðborg Tyrklands fyrir stundu. Öryggisvörður lét lífið ásamt þeim sem talið er hafa gert árásina.

Þá slasaðist kona sem var gestkomandi í sendiráðinu að því er Aladdin Yuksel, borgarstjórinn í Ankara, segir í þarlendum fjölmiðlum.

Francis Ricciardione, sagði blaðamönnum, að öryggisvörður hefði látið lífið og tyrkneskur ríkisborgari væri slasaður. Reuters hefur eftir Ricciardione að öryggisvörðurinn hafi einnig verið tyrkneskur ríkisborgari.

Inngangurinn að sendiráðinu eftir spreninguna.Nordicphotos/AFP
Sprengingin átti sér stað innandyra, við innganginn að sendiráðinu þar sem starfsmenn og gestir þurfa að gangast undir öryggisskoðun fyrir inngöngu. Skemmdir á sendiráðinu eru minniháttar og öllum starfsmönnum hefur verið komið í öruggt skjól.

Enginn hefur lýst yfir ábyrgð í málinu.




Fleiri fréttir

Sjá meira


×