Helstu leiðtogar Venesúela aftur komnir til Kúbu

Helstu leiðtogar Venesúela eru aftur komnir til Havana á Kúbu þar sem Hugo Chavez forseti landsins liggur þungt haldinn á sjúkrahúsi eftir krabbameinsaðgerð.

Í frétt á vefsíðu BBC segir að þeir Nicolas Maduro varaforseti Venesúela og Diosdado Cabello forseti þingsins hafi á fundað með Raul Castro leiðtoga Kúbu á laugardag en ekkert hefur verið sagt um efni fundarins. Raunar var ekki vitað um fundinn fyrr en í gærdag.

Auk varaforsetans og forseta þingsins eru olíumálaráðherra Venesúela og dómsmálaráðherrann einnig á Kúbu.