Leeds sögð höfuðborg karlabrjóstanna

59 prósent karlmanna í Leeds á Englandi eru með karlabrjóst, samkvæmt könnun sem heilsuvefsíðan Sweatband.com gerði á dögunum.

Könnunin náði til rúmlega 2100 enskra karlmanna og voru þeir spurðir hvort þeir teldu sig hafa karlabrjóst. Niðurstaðan er sú að Leeds nær toppsætinu með naumindum yfir þær borgir sem innihalda flesta karlbrystinga miðað við íbúafjölda, en skammt á hæla Leeds kemur borgin Swansea.

Maz Darvish, forstjóri Sweatband, segir það algengt að menn vilji frekar losa sig við brjóstin með lýtaaðgerð en að stunda líkamsrækt og bæta mataræðið, en 42 prósent þeirra sem svöruðu játandi segjast hafa íhugað lýtaaðgerð.

Hér má sjá niðurstöðurnar, en þær sýna hlutfall karla með brjóst í tíu efstu borgunum.

1. Leeds – 59%

2. Swansea – 57%

3. Glasgow – 56%

4. Manchester – 54%

5. Bristol – 52%

6. Newport – 50%

7. Coventry – 48%

8. Wrexham – 46%

9. Colchester – 45%

10. Lincoln – 45%