Hollande fundar í Malí

Francois Hollande, Frakklandsforseti, er kominn til Malí. Hann mun funda með bráðabirgða forseta landsins, Dioncounda Traore, í dag ásamt því að heimsækja stórborgina Timbúktú. Síðustu vikur hafa sameiginlegar hersveitir Malí og Frakklands barist gegn herskáum íslamistum sem hertóku stór svæði í norðurhluta Malí á síðasta ári. Aðgerðir Frakklandshers hafa skilað árangri, engu að síður hafa íslamistar háð mikla varnarbaráttu. Sameinuðu Þjóðirnar hafa lýst yfir þungum áhyggjum af þróun mála í Norður-Malí enda hafa borist fregnir af skipulögðum fjöldamorðum og hýðingum á götum úti.