Fjórir menn frá Strawberries í áframhaldandi varðhald

Fjórir karlmenn, forsvarsmaður og þrír starfsmenn kampavínsklúbbsins Strawberries, hafa verið úrskurðaðir í áframhaldandi gæsluvarðhald af kröfu lögreglunnar á höfuðborgarsvæðinu til 8. nóvember vegna gruns um sölu og milligöngu um vændi.

Fimm voru handteknir á staðnum um síðustu helgi. Í kjölfarið var staðnum lokað og nokkrum dögum síðar var einn til viðbótar handtekinn í þágu rannsóknarinnar.

Alls hafa sex menn verið úrskurðaðir í gæsluvarðhald í tengslum við málið, en tveir þeirra eru nú lausir úr haldi lögreglu.