Fílar eru einu dýrin sem skilja bendingar

Afrískir fílar virðast geta áttað sig á merkingu bendinga án þess að fá til þess sérstaka þjálfun, og standa að því leyti framar öllum öðrum dýrategundum.

Þetta var niðurstaða rannsóknar sem gerð var á afrískum fílum í Simbabve og fjallað er um á vef BBC. Rannsakendur settu tvær fötur fyrir framan fílana. Önnur var tóm en í hinni voru falinn matur sem fílunum fannst góður. Fílarnir skildu frá upphafi að þegar rannsakendurnir bentu á aðra fötuna leyndist maturinn í henni og völdu alltaf réttu fötuna.

Sambærilegar rannsóknir á mannöpum hafa sýnt að þeir virðast ekki átta sig á merkingu bendinganna.