Þriðjungur á ekkert sparifé

Nærri þriðjungur íbúa Evrópuríkja á ekki sparifé að grípa til, samkvæmt þýskri könnun sem könnunarfyrirtækið TNS gerði fyrir þýska bankann ING.

Verst standa Rúmenar, en nærri helmingur þeirra á ekkert sparifé. Best eru hins vegar íbúar í Lúxemborg staddir, því einungis ellefu prósent þeirra eiga ekkert sparifé.Könnunin var gerð í fjórtán Evrópuríkjum.

Að meðaltali segjast 49 prósent Evrópubúa eiga sparifé sem myndi duga þeim í þrjá mánuði yrðu þeir fyrir skyndilegu tekjutapi.