Um 600 vísbendingar um Dorner hafa borist lögreglunni

Vísbendingar um lögreglumanninn fyrrverandi Christopher Dorner hafa hrúgast inn til lögreglunnar í Los Angeles eftir að milljón dollara verðlaunum var heitið fyrir upplýsingar um hvar Dorner heldur sig.

Í blaðinu Los Angeles Times segir að þegar hafi 600 vísbendingar um Dorner borist lögreglunni. Dorner er talinn hafa myrt þrjá einstaklinga og sært tvo í viðbót en hann telur að sér hafi verið vikið úr starfi vegna kynþáttahaturs fyrir fimm árum síðan.

Þrátt fyrir allar þessar vísbendingar og leit 100 lögreglumanna að Dorner hefur enn ekki tekist að finna hann.