Næsti páfi gæti komið frá Ghana

Miklar vangaveltur eru um hver verði næsti páfi eftir að Benedikt 16. sagði óvænt af sér í gærdag.

Það er hópur 118 kardinála sem velja munu hinn nýja páfa í Vatikaninu. Kardinálarnir skiptast í tvo hópa, þá ítölsku og þá alþjóðlegu.

Þýska tímaritið Der Spiegel segir að tveir menn komi helst til greina sem næsti páfi. Ef alþjóðlegi hópurinn hefur betur verður hinn 64 ára gamli Ghanabúi og kardináli Peter Turkson næsti páfi. Ef þeir ítölsku hafa betur verður Angelo Scola erkibiskup í Róm næsti páfi.

Ef Turkson verður fyrir valinu yrði það í fyrsta sinn í sögunni að páfinn sé Afríkumaður.