Google kortleggur Norður-Kóreu

Almenningi hefur til þessa ekki staðið miklar upplýsingar til boða um einræðisríkið Norður-Kóreu. Með kortavef Google geta fróðleiksþyrstir að einhverju leyti svalað forvitni sinni um Asíuríkið.

Á nýju korti sem Google hefur sett saman með aðstoð borgara í Norður-Kóreu getur fólk kynnt sér höfuðborgina Pyongyang ansi vel. Götur bæjarins eru merktar auk helstu kennileita. Má þar nefna hótel, spítala, skóla auk Kim Il Sung torgsins. Þar safnast íbúar borgarinnar saman við ýmis tilefni.

Til staðfestingar hversu einstakt land Norður-Kórea er segja forsvarsmenn Google að landið sé það síðasta sem fyrirtækinu tekst að kortleggja. Google á enn eftir að kortleggja stærstan hluta landsins en þangað til í gær var ekkert að finna á kortinu.

Norður-Kórea er að öllum líkindum einangraðasta ríki í heimi. Ríkið ræður gangi mála í atvinnulífinu og aðgangur útlendinga að landinu er afar takmarkaður. Landið kemst helst í fréttirnar fyrir mikla fátækt og matarskort eða vegna framleiðslu kjarnorkuvopna.