Fundu útilegubúnað og vopn

Lögreglumenn fundu í kvöld útilegubúnað og vopn í eigu fyrrverandi lögreglumannsins Christopher Dorner, sem grunaður er um þrjú morð á síðustu dögum.

Lögreglumenn hafa leitað í fjöllum í Kaliforníu alla helgina en hvorki hefur fundist tangur né tetur af morðingjanum. Dorner hefur lýst því yfir að hann ætli að myrða lögreglumenn og ástvini þeirra, en hann heldur því fram að honum hafi verið vikið úr starfi vegna hörundslitar síns.

Nissan jeppi í hans eigu fannst á fimmtudag og er talið að hann sé í felum upp í fjöllum.

Lögreglan hefur heitið fundarlaunum fyrir þann sem getur vísað á hvar hann er.