Fellibylurinn Ingrid nálgast Mexíkó

Fellibylurinn Ingrid hefur styrkst síðustu daga en búist er við að fellibylurinn muni berast til Mexíkó á mánudag.

Hitabeltisstormurinn var í gærkvöldi um 300 kílómetra austur af ströndum Mexíkó og gangi spár eftir mun hann verða annar fellybilurinn sem lendir á Mexíkó á þessu stormtímabili.

Yfirvöld í fylkinu Veracruz hafa sett af stað rýmingu og nú þegar hafa rúmlega 5000 manns þurft að rýma heimili sín. Neyðarskýli hafa verið sett upp á svæðinu en mikil hætta er talin á flóðum og aurskriðum á svæðinu.