Barack í byssó

Barack Obama, Bandaríkjaforseti, mundar haglabyssu á ljósmynd sem birt var á vef Hvíta hússins í gær.

Myndin er svar við gagnrýni Repúblikana sem efuðust um að ummæli sem forsetinn lét falla í samtali við fréttablaðið The New Republic væru sönn. Þar sagði forsetinn að það væri sérstakt áhugamál sitt að skjóta leirdúfur á góðviðrisdögum í Camp David, forsetabústaðnum.

Eitt af meginviðfangsefnum forsetans í dag er hertari skotvopnalöggjöf í Bandaríkjunum. Með því að birta ljósmyndana vonast Obama til að sannfæra Repúblikana um að hann sé ekki mótfallinn skotvopnaeign almennings í Bandaríkjunum almennt.