Kosið um framtíð samkynhneigðra í skátunum

Félagar í stjórn bandarísku skátahreyfingarinnar munu í dag kjósa um hvort að samkynhneigðum verður hleypt inn í samtökin. Málið hefur verið til umræðu innan hreyfingarinnar í nokkur ár en það var síðast í fyrra sem ákveðið var að viðhalda banninu.

Þrýstihópar og hagsmunasamtök samkynhneigðra brugðust afar illa við þessari ákvörðun og hafa síðan þá hvatt stjórnin til að taka málið til endurskoðunar.

Fjölmargar deildir skáta í Bandaríkjunum hafa hvatt stjórnina til að fresta atkvæðagreiðslunni og halda því fram að enn eigi eftir að rannsaka afleiðingar þess að hleypa samkynhneigðum einstaklingum í samtökin.

Svo virðist sem að vilja sé meðal skáta að aflétta banninu en rúmlega 1.4 milljónir undirskrifta hafa borist samtökunum þar sem stjórnin er beðin um að endurskoða reglurnar.