Saga Garðarsdóttir, leikkona og skemmtikraftur, flutti lag til valdamesta fólks landsins í Kryddsíld Stöðvar 2 í dag. Textinn við lagið vakti mikla lukku hann má finna í heild sinni hér að neðan:



Halló valdamesta fólk landsins Sjá við færum yður mikinn fögnuð - óskalista þjóðar um allt og meiri jöfnuð Við fórum í Hörpuna, klifum Esjuna, gengum Sprengisand - ferðuðumst bókstaflega út um allt land Í Staðarskála var ein skvísa að kaupa tíu ísa á raðgreiðslum á vísa og strákur sem stóð sig bara ágætlega í þessu Pisa og ég veit þið haldið að ég sé að djóka - en þarna var líka eina stelpan á Íslandi sem Sveinn Andri er ekki búinn að póka Hún óskar sér færri menn með bindi, engin stig á vindi, og sagðist myndi í skyndi - ef hún væri á þingi - líka banna rangsannindi Og ef óskir hennar og okkar allra rætast ekki næsta ár - verðum við, þjóðin, mjög sár.



Sko, að danska verði valfrjáls og minnka framleiðslu áls er eitthvað sem við viljum vekja á máls en mikilvægast fyrir okkur er að senda Vigdísi Hauks og Brynjar Níelsson á kurteisisnámskeið hjá Bergþóri Páls... Og ef hafið þið sómakennd sanna og ríka - þá viljum við helst fá þetta hérna líka:



Fleiri glaðlyndir

að styrkja kvikmyndir

og íslenskt prótein skyr

í mynd hjá Ben Stillir



hópferð til Tortola

ókeypis ruccola

betri háskóla

og aftur Spur Cola



Minni rótasjón

á gögnum vódafón

Færri kvótaflón

að reyna skjóta Sjón

-----



björga æskunni

Og breyta tískunni

Hverfisgötunni

og líka klukkunni



færri að baktala

sjálfvirkari sjálfsala

Vasa frá Ittala

og nýjan spíttala



Flytja inn Beyoncey

Sættast við Leyoncy

Stækka BSÍ

á kostnað KSÍ

--------



Búa til hvalasnakk

og hestalambahakk

Minna leynimakk

Færri hótel takk



sigra smáþjóðir

verða vongóðir

nota´orðið ljósmóðir

meira´en flokksbróðir



Hugsum flugvöllinn

hafa flugvöllinn

færa flugvöllinn

Brenna flugvöllinn





Viðlag: Viljið þið samt aðalega bara verða betra fólk...

Óstyrkt listasóló á niðurskorið píanó

Karlakór fyrrverandi elskhuga minna

Og svona lýkur hinu furðulega ári 2013

Þegar Páll Magnússon var á fæti faralds - og ENGINN mátti pirra Freyju Haralds

Útgerðarmenn voru til vegsældar krýndir - og danskir kettir týndir

Skorið var niður til sveltandi barna - takk Vigdís Hauks, Sigmundur og maðurinn þarna

Og þó þið séuð klár, takið slátur og drekkið óhóflega mikla mjólk -  viljið þið samt aðalega bara verða betra fólk.

ENDIR



Höfundur: Saga Garðarsdóttir