Hleranir NSA brjóta í bága við stjórnarskrá

Dómari við alríkisdómstól í Washington komst að þeirri niðurstöðu í dag að stórfelldar símahleranir NSA, Þjóðaröryggisstofnunar Bandaríkjanna, á milljónum bandarískra ríkisborgara brjóti að öllum líkindum í bága við stjórnarskrá landsins.

Dómarinn, Richard J. Leon, komst að þessari niðurstöðu eftir að aktívistinn og stofnandi Freedom Watch, Larry Klayman, höfðaði mál vegna hlerananna. Leon frestaði ákvörðun í málinu en sagði að hleranirnar væru að öllum líkindum ólöglegar og brytu í bága við stjórnarskrá.

Upp komst um hleranir NSA eftir að uppljóstrarinn Edward Snowden lak upplýsingum til fjölmiðla, en hann starfaði áður sem sérfræðingur hjá stofnuninni.

Frétt Washington Postog Huffington Post.