Obama biður þingmenn um að slaka á

Barack Obama Bandaríkjaforseti hvatti í gærkvöldi öldungadeildarþingmenn til þess að falla frá kröfum sínum um auknar refsiaðgerðir gegn Írönum, til þess að þær skemmi ekki fyrir samningaviðræðum sem nú eru í gangi um kjarnorkuáætlun landsins.

Viðræðurnar eiga að hefjast að nýju í dag í Genf og eru menn hóflega bjartsýnir að niðurstaða fáist innan skamms tíma. Nokkrir þingmenn eru hinsvegar á þeirri skoðun að allt of geyst sé farið í viðræðunum og vilja þeir herða á refsiaðgerðum gegn klerkastjórninni í Íran í stað þess að lina tökin.