VIP synjað um rekstrarleyfi og lokað samdægurs

Lögreglan hefur rannsakað starfsemi VIP Club í Austurstræti frá því í sumar. Staðurinn hefur verið rekinn með rekstrarleyfi til bráðabirgða síðan í júní, en það rann út annan nóvember síðastliðinn. Leyfið fékkst ekki endurnýjað.

Eigendur VIP Club kærðu synjun lögreglunnar til atvinnuvega- og nýsköpunarráðuneytisins sem felldi úrskurð í málinu fimmtudaginn fjórtánda nóvember. Þar er lögreglustjóranum á höfuðborgarsvæðinu gert að gefa út bráðabyrgðaleyfi þar til niðurstaða um rekstarleyfi liggi fyrir. Lögreglan synjaði VIP um rekstarleyfi strax daginn eftir.

Í úrskurðinum segir lögreglustjóri að grunur um ólögmæta starfsemi á staðnum sé á rökum reistur. Það sé mat lögreglu eftir að hafa fylgst með starfseminni að gert sé út á nekt starfsmanna eða einstaklinga sem eru á staðnum á vegum þeirra sem standa að rekstri staðarins.

VIP opnaði aftur á föstudag en þá fór tuttugu manna lögregluteymi og lokaði staðnum. Enginn var þó handtekinn vegna málsins. Lögfræðingur eiganda staðarins telur aðgerður lögreglu ólögmætar.