Vilja banna greiðslur til erlendra klámsíðna

Svo gæti farið að bankar í Bretlandi bönnuðu greiðslur til erlendra klámvefsíða án aldurstakmarkana í þeim tilgangi að vernda börn fyrir þeim. Baráttufólk fyrir tjáningarfrelsi segir nauðsynlegt að málið verði tekið fyrir á þinginu.

Á fundi sem fram fór í gær kynntu höfundaréttarsamtökin Atvod (The Authority for Television on Demand) hugmyndir um að banna bönkum og kortafyrirtækjum að meðhöndla greiðslur til erlendra myndbandaveita sem innihalda stutt myndbrot af höfundaréttarvörðu efni, til dæmis klámefni, til að lokka netnotendur í áskrift.

Talsmaður samtakanna segir fundinn hafa verið árangursríkan en hann sátu fulltrúar frá samtökum breskra banka, samtökum kortafyrirtækja og öðrum greiðsluþjónustuaðilum.

„Þetta ætti að ræða í þinginu og ákvörðunin að koma þaðan,“ segir talsmaður Open Rights Group, samtaka um netfrelsi. „Það er ekki í verkahring nefnda úti í bæ að taka fram fyrir hendur þingsins og ákveða hvað breskir notendur mega og mega ekki.“