Forseti PSG: Ancelotti verður áfram stjóri félagsins

Forseti PSG hefur nú gefið það út að Carlo Ancelotti, knattspyrnustjóri PSG, verði áfram við stjórnvölinn hjá liðinu á næsta tímabili.

Félagið mun einnig leggja mikla áherslu á það að halda í David Beckham.

„Ancelotti er með eitt ár eftir af samningi sínum við félagið og mun klára þann samning í það minnsta," sagði Nasser al-Khelaifi, forseti félagsins.

„Við erum sjö stigum á undan Marseille í deildinni, erum komnir í undanúrslitin í Meistaradeild Evrópu og einnig í undanúrslitin í franska bikarnum, það er frábær árangur."

„Maður myndi skilja að framtíð hans væri óráðinn ef við værum í öðru eða þriðja sæti í deildinni en svo er ekki. Ancelotti verður áfram hjá PSG."

„Beckham er frábær innan sem utanvallar. Stundum tekur maður rangar ákvarðanir í þessum bransa en að fá David til liðsins er sennilega ein besta ákvörðum sem við höfum tekið. Við ætlum okkur einnig að halda í hann."