"Kvíðaeinkenni geta komið fram í hvaða prófi sem er" Kolbeinn Tumi Daðason skrifar 2. apríl 2013 19:13 „Ég held að yfirhöfuð sé ekkert frekar verið að ofnota píptest frekar en önnur próf. Ég veit dæmi þess að sumir sofi nær ekkert nóttina fyrir próf og eru með þvílíkan kvíða. Ég held að oftar en ekki geri einstaklingar sjálfir of miklar kröfur til sín," segir Guðrún Valgerður Ásgeirsdóttir, formaður Íþróttakennarafélags Íslands. Ung stúlka þurfti að fara á spítala vegna ofreynslu sem rekja má til þrekprófs, svokallaðs píptests, í grunnskóla. Faðir stúlkunnar sagði í viðtali í Ísland í bítið á Bylgjunni í morgun að hann myndi gera allt sem hann gæti til að koma þrekprófinu út úr námsskrá grunnskóla. „Ég fagna alltaf allri umræðu því hún gefur okkur tækifæri til að skoða störf okkar nánar," segir Guðrún Valgerður. Hún þekkir vel til í skólakerfinu enda bæði starfað á leikskóla, í grunnskóla og á háskólastigi en þó lengst af í grunnskólum bæði við bóklega kennslu og íþróttakennslu. „Ég þekki náttúrulega báðar hliðar enda kennt bóklegar greinar sem og sund og íþróttir í nær sautján ár." segir Guðrún. Guðrún segir að námsmat hafi víða breyst í gegnum tíðina og nú sé t.d. meira um símat. Oft vegi ástundun og vinnusemi í tímum a.m.k. helming af einkunn.Píptestin góður kvarði „Ég held að kvíðaeinkenni og keppnisskap geti brotist fram í hvaða prófi sem er," segir Guðrún Valgerður. Hún segir píptestin gefa íþróttakennurum gott tækifæri til að fylgjast með nemendum og það sé misskilningur að þau séu beinlínis í námsskránni heldur sé þar talað um stöðluð þolpróf. „Þetta er góður kvarði enda um einfalt próf að ræða," segir Guðrún. Í prófinu reyna nemendur að hlaupa 20 metra innan ákveðins tíma sem markaður er með flautuhljóði, pípi. Skekkjumörk eru lítil sem engin ólíkt t.d. armbeygjuprófi og ýmsum prófum sem þar sem meta þarf t.d. hve langt nemendur fari niður í stöður og þess háttar. „Píptestið hefur verið notað í mörgum skólum í fjölda ára. Með því er hægt að skoða hvernig þol krakkanna hefur verið í gegnum tíðina. Hægt er að bera saman árganga innan skóla og bera saman ástand nemenda milli skóla. Með því er ekki síður verið að sýna nemendum sjálfum fram á hvernig þol þeirra er og eru þeir hvattir af íþróttakennurum til að bæta sig frá einu prófi til annars og setja sér raunhæf markmið, bæði þeir sem eru í góðu formi sem og þeir sem þurfa að bæta þol sitt. Hvetjum við alla nemendur til að „hlusta á líkamann sinn". segir Guðrún.Próf í leikfimi fjölbreytt Það er mat Guðrúnar að námsmat hafi breyst í gegnum tíðina. Próf séu víða fjölbreyttari í dag en þegar hún byrjaði að starfa sem kennari. Við íþróttakennslu sé reynt að prófa sem flesta þætti. Þannig sé einnig t.d. prófað í liðleika, einhverjum boltagreinum, badminton þar sem flugu er haldið á lofti og svo mætti lengi telja. „Þannig fá ekki endilega krakkarnir í besta líkamlega forminu háa einkunn. Ef krakkarnir sýna áræðni og leggja sig fram er það meira og meira metið til einkunnar," segir Guðrún. Hún minnir á að próf hafi lengi verið við lýði í skólakerfinu. „Til dæmis eru samræmdu prófin breytt og nú eru þetta ekki lengur lokapróf heldur könnunarpróf. Við erum að athuga hvað við getum bætt. Sama er með píptest. Ef við sjáum að þau fá lágt í píptesti bendum við þeim á leiðir til að auka þolið. Sömu sögu má segja um t.d. liðleikapróf því stirðleiki skiptir máli í allri hreyfingu," segir Guðrún.Engin neikvæð viðbrögð í tengslum við píptest „Ég tel mikilvægt að undirbúa nemendur fyrir píptest eins og önnur próf og útskýra hvers vegna við notum það og hvernig „tækni" er best við framkvæmd þess. Þá er umgjörðin afar mikilvæg s.s. góð upphitun, þægilegt umhverfi og góðar teygjur í lok prófs. Faðir stúlkunnar sem fara þurfti á spítala telur að þrekprófin geti ýtt undir einelti. Guðrún segir aldrei hafa upplifað nein neikvæð viðbrögð á milli nemenda í tenglsum við píptest. „Krakkar eru alltaf að bera sig saman. Ég hef aldrei fundið fyrir metingi á milli nemenda þegar kemur að píptestum. Krakkarnir gera eins vel og þeir geta og svo hvetja þeir þá síðustu áfram. Ég hef aldrei upplifað nein neikvæð viðbrögð á milli nemenda í tengslum við píptest." Tengdar fréttir Endaði á spítala eftir píptest "Það sem mér finnst ámælisvert er að þetta skuli vera notað í grunnskólum. Eftir því sem ég hef kynnt mér þetta betur er þetta mjög erfitt próf," Stefán Hákonarson, faðir ungrar stúlku sem endaði á spítala vegna ofreynslu eftir svokallað píptest. 2. apríl 2013 10:12 Vill prófin út úr námsskrá grunnskóla "Ég hélt að hún væri að fá heilablóðfall," segir faðir stúlku sem endaði á spítala eftir þolpróf í skólaleikfimi. Hann vill prófin út úr skólakerfinu og íþróttafræðingur tekur undir að fara þurfi varlega í þau. 2. apríl 2013 18:40 Mest lesið Kveðst ekki svindla á neinum með happdrætti sínu Innlent Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Skjálfti fannst vel á höfuðborgarsvæðinu Innlent Faðir mannsins sem lést á Litla-Hrauni krefst umbóta Innlent „Í fangelsi eins og á Litla-Hrauni gerist allt“ Innlent Eldinum í bílnum fylgdi heljarinnar sprenging Innlent „Þetta breytti mér mjög mikið sem persónu“ Innlent Forsetavaktin 2024: Hver verður sjöundi forseti lýðveldisins? Innlent Halla fremst með 29,7 prósent í nýrri könnun Prósents Innlent Fleiri fréttir Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Sjá meira
„Ég held að yfirhöfuð sé ekkert frekar verið að ofnota píptest frekar en önnur próf. Ég veit dæmi þess að sumir sofi nær ekkert nóttina fyrir próf og eru með þvílíkan kvíða. Ég held að oftar en ekki geri einstaklingar sjálfir of miklar kröfur til sín," segir Guðrún Valgerður Ásgeirsdóttir, formaður Íþróttakennarafélags Íslands. Ung stúlka þurfti að fara á spítala vegna ofreynslu sem rekja má til þrekprófs, svokallaðs píptests, í grunnskóla. Faðir stúlkunnar sagði í viðtali í Ísland í bítið á Bylgjunni í morgun að hann myndi gera allt sem hann gæti til að koma þrekprófinu út úr námsskrá grunnskóla. „Ég fagna alltaf allri umræðu því hún gefur okkur tækifæri til að skoða störf okkar nánar," segir Guðrún Valgerður. Hún þekkir vel til í skólakerfinu enda bæði starfað á leikskóla, í grunnskóla og á háskólastigi en þó lengst af í grunnskólum bæði við bóklega kennslu og íþróttakennslu. „Ég þekki náttúrulega báðar hliðar enda kennt bóklegar greinar sem og sund og íþróttir í nær sautján ár." segir Guðrún. Guðrún segir að námsmat hafi víða breyst í gegnum tíðina og nú sé t.d. meira um símat. Oft vegi ástundun og vinnusemi í tímum a.m.k. helming af einkunn.Píptestin góður kvarði „Ég held að kvíðaeinkenni og keppnisskap geti brotist fram í hvaða prófi sem er," segir Guðrún Valgerður. Hún segir píptestin gefa íþróttakennurum gott tækifæri til að fylgjast með nemendum og það sé misskilningur að þau séu beinlínis í námsskránni heldur sé þar talað um stöðluð þolpróf. „Þetta er góður kvarði enda um einfalt próf að ræða," segir Guðrún. Í prófinu reyna nemendur að hlaupa 20 metra innan ákveðins tíma sem markaður er með flautuhljóði, pípi. Skekkjumörk eru lítil sem engin ólíkt t.d. armbeygjuprófi og ýmsum prófum sem þar sem meta þarf t.d. hve langt nemendur fari niður í stöður og þess háttar. „Píptestið hefur verið notað í mörgum skólum í fjölda ára. Með því er hægt að skoða hvernig þol krakkanna hefur verið í gegnum tíðina. Hægt er að bera saman árganga innan skóla og bera saman ástand nemenda milli skóla. Með því er ekki síður verið að sýna nemendum sjálfum fram á hvernig þol þeirra er og eru þeir hvattir af íþróttakennurum til að bæta sig frá einu prófi til annars og setja sér raunhæf markmið, bæði þeir sem eru í góðu formi sem og þeir sem þurfa að bæta þol sitt. Hvetjum við alla nemendur til að „hlusta á líkamann sinn". segir Guðrún.Próf í leikfimi fjölbreytt Það er mat Guðrúnar að námsmat hafi breyst í gegnum tíðina. Próf séu víða fjölbreyttari í dag en þegar hún byrjaði að starfa sem kennari. Við íþróttakennslu sé reynt að prófa sem flesta þætti. Þannig sé einnig t.d. prófað í liðleika, einhverjum boltagreinum, badminton þar sem flugu er haldið á lofti og svo mætti lengi telja. „Þannig fá ekki endilega krakkarnir í besta líkamlega forminu háa einkunn. Ef krakkarnir sýna áræðni og leggja sig fram er það meira og meira metið til einkunnar," segir Guðrún. Hún minnir á að próf hafi lengi verið við lýði í skólakerfinu. „Til dæmis eru samræmdu prófin breytt og nú eru þetta ekki lengur lokapróf heldur könnunarpróf. Við erum að athuga hvað við getum bætt. Sama er með píptest. Ef við sjáum að þau fá lágt í píptesti bendum við þeim á leiðir til að auka þolið. Sömu sögu má segja um t.d. liðleikapróf því stirðleiki skiptir máli í allri hreyfingu," segir Guðrún.Engin neikvæð viðbrögð í tengslum við píptest „Ég tel mikilvægt að undirbúa nemendur fyrir píptest eins og önnur próf og útskýra hvers vegna við notum það og hvernig „tækni" er best við framkvæmd þess. Þá er umgjörðin afar mikilvæg s.s. góð upphitun, þægilegt umhverfi og góðar teygjur í lok prófs. Faðir stúlkunnar sem fara þurfti á spítala telur að þrekprófin geti ýtt undir einelti. Guðrún segir aldrei hafa upplifað nein neikvæð viðbrögð á milli nemenda í tenglsum við píptest. „Krakkar eru alltaf að bera sig saman. Ég hef aldrei fundið fyrir metingi á milli nemenda þegar kemur að píptestum. Krakkarnir gera eins vel og þeir geta og svo hvetja þeir þá síðustu áfram. Ég hef aldrei upplifað nein neikvæð viðbrögð á milli nemenda í tengslum við píptest."
Tengdar fréttir Endaði á spítala eftir píptest "Það sem mér finnst ámælisvert er að þetta skuli vera notað í grunnskólum. Eftir því sem ég hef kynnt mér þetta betur er þetta mjög erfitt próf," Stefán Hákonarson, faðir ungrar stúlku sem endaði á spítala vegna ofreynslu eftir svokallað píptest. 2. apríl 2013 10:12 Vill prófin út úr námsskrá grunnskóla "Ég hélt að hún væri að fá heilablóðfall," segir faðir stúlku sem endaði á spítala eftir þolpróf í skólaleikfimi. Hann vill prófin út úr skólakerfinu og íþróttafræðingur tekur undir að fara þurfi varlega í þau. 2. apríl 2013 18:40 Mest lesið Kveðst ekki svindla á neinum með happdrætti sínu Innlent Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Skjálfti fannst vel á höfuðborgarsvæðinu Innlent Faðir mannsins sem lést á Litla-Hrauni krefst umbóta Innlent „Í fangelsi eins og á Litla-Hrauni gerist allt“ Innlent Eldinum í bílnum fylgdi heljarinnar sprenging Innlent „Þetta breytti mér mjög mikið sem persónu“ Innlent Forsetavaktin 2024: Hver verður sjöundi forseti lýðveldisins? Innlent Halla fremst með 29,7 prósent í nýrri könnun Prósents Innlent Fleiri fréttir Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Sjá meira
Endaði á spítala eftir píptest "Það sem mér finnst ámælisvert er að þetta skuli vera notað í grunnskólum. Eftir því sem ég hef kynnt mér þetta betur er þetta mjög erfitt próf," Stefán Hákonarson, faðir ungrar stúlku sem endaði á spítala vegna ofreynslu eftir svokallað píptest. 2. apríl 2013 10:12
Vill prófin út úr námsskrá grunnskóla "Ég hélt að hún væri að fá heilablóðfall," segir faðir stúlku sem endaði á spítala eftir þolpróf í skólaleikfimi. Hann vill prófin út úr skólakerfinu og íþróttafræðingur tekur undir að fara þurfi varlega í þau. 2. apríl 2013 18:40