Straujárnið hverfur úr Monopoly - köttur kemur í staðinn

Leikfangaframleiðandinn Hasbro tilkynnti í dag að straujárninu illræmda í borðspilinu Monopoly verður skipt út fyrir kött. Er þetta í takt við vilja fólksins sem kaus um málið á Facebook-síðu Hasbro.

Kosningin var hnífjöfn. Hjólbaran, skórinn og straujárnið voru öll á barmi þess hverfa úr spilinu fyrir fullt og allt. Að sama skapi var barist um hvaða tiltekna hlut yrði bætt við Monopoly. Þó svo að kötturinn hafi á endanum sigrað var útlit fyrir að vélmennið, demants-hringurinn, þyrlan og gítarinn yrðu fyrir valinu.

„Leikmennirnir hafa ávallt verið stór hluti af Monopoly," sagði Jonathan Berkowitz, markaðsfulltrúi Hasbro. „En það er nokkuð ljóst að það eru margir eru hrifnir af kattardýrunum."