Fórnarlömb kynferðisofbeldis niðurlægð af lögreglu

Indversk börn sem verða fyrir kynferðisofbeldi sæta oft á tíðum illri meðferð og niðurlægingu af hálfu lögreglumanna. Þetta kemur fram í nýlegri skýrslu Mannréttindavaktarinnar.

Þar kemur fram að kynferðisbrot séu daglegt brauð á indverskum heimilum, skólum og elliheimilum. Þá eru þær opinberu stofnanir sem sjá um úrvinnslu slíkra mála harðlega gagnrýndar fyrir slök vinnubrögð.

Skýrsla Mannréttindavaktarinnar er ekki sú fyrsta sem rýnir þetta samfélagsmein í Indlandi. Rannsókn sem unnin var fyrir indversk yfirvöld árið 2007 leiddi í ljós að tvö af hverjum þremur börnum höfðu upplifað líkamlegt ofbeldi. Alls var rætt við 12.300 börn í rannsókninni en 53 prósent sögðust hafa upplifað kynferðisofbeldi.