Vinnumiðlun bauð 19 ára stúlku starf á hóruhúsi

Vinnumiðlun í borginni Augsburg í Bæjaralandi hefur beðist opinberlega afsökunar á því að hafa boðið 19 ára gamalli atvinnulausri stúlku starf á hóruhúsi í borginni.

Stúlkan fékk bréf sent heim til sín með þessu atvinnutilboði og hún segir að móðir sín hafi öskrað af reiði þegar hún las bréfið.

Vændi er lögleg atvinnugrein í Þýskalandi en talsmaður vinnumiðlunarinnar viðurkennir að betra hefði verið að leita samþykkis stúlkunnar áður en bréfið var sent. Hann bætir því við að um hreingerningastarf hafi verið að ræða, en ekki kynlífsþjónustu, á hóruhúsinu