Þriggja ára strákur fær inngöngu í Mensa klúbbinn

Aðeins þriggja ára gamall enskur strákur hefur fengið inngöngu í Mensa klúbbinn eftir að greindarpróf sýndi að hann er með greindarvísitölu upp á 136 stig.

Strákurinn, sem heitir Sherwyn Sarabi og er frá Yorkshire í Englandi, byrjaði að tala þegar hann var aðeins 10 mánaða gamall. Þegar hann var tveggja ára var hann orðinn læs og þekkti þjóðfána allra ríkja í heiminum.

Móðir Sherwyn er fyrrum kennari og hún er mjög stolt af stráknum sínum. Hún fann út að hann væri efni í snilling þegar hann var aðeins 18 mánaða gamall.