Erlent

Ísraelsmenn gerðu loftárás á skotmark í Sýrlandi

Ísraelski flugherinn mun hafa gert loftárás á skotmark í Sýrlandi en misvísandi fréttir hafa borist um hvert það skotmark var.

Sýrlensk stjórnvöld segja að loftárásin hafi verið gerð á herstöð norðvestur af höfuðborginni Damaskus. Hinsvegar segja talsmenn líbanska hersins að árásin hafi verið gerð á bílalest við landamæri Sýrlands og Líbanon. Sú bílalest er sögð hafa verið að flytja vopn til Hizbollahreyfingarinnar í Líbanon.

Stjórnvöld í Ísrael hafa ekkert tjáð sig um þessa loftárás.




Fleiri fréttir

Sjá meira


×