Ótrúleg umfjöllun um konu sem er háð því að borða kattahár

Fjörutíu og þriggja ára gömul kona frá Detroit í Bandaríkjunum borðar kattahár. Og það sem meira er - hún er háð því.

Konan sem heitir Lísa talaði um þessa óvenjulega venju sína í þættinum My Strange Addiction, sem á íslensku útnefnist sem Mín furðulega fíkn, en þátturinn fjallar um fólk sem er háð ótrúlegustu hlutum. Í þættinum lýsir hún því hvernig hún borðar og tyggur kattahárin að minnsta kosti á tveggja klukkutíma fresti. Þessi furðulegi ávani byrjaði fyrir fimmtán árum.

„Stundum festast þau í tönnunum á manni, en þá er hægt að ná þeim burt með því að tannbursta sig eða með tannþráði," segir hún. „Það er miklu meira bragð af kattahárum en til dæmis mannahárum."

Á þessum fimmtán árum hefur hún borðað yfir 3.200 kattahárbolta, en hún rúllar hárunum í bolta og setur síðan upp í munninn.

Þetta ótrúlega myndband má sjá hér að ofan. Það er eflaust tilefni til að vara viðkvæma við því - svo furðulegt er þetta.