Rýna þarf í reglur um þyrluflug

David Cameron, forsætisráðherra Bretlands, segir að skoða þurfti reglur um þyrluflug í London. Tveir létust og þrettán slösuðust í þyrsluslysi í borginni í morgun.

Þingmaðurinn Kate Hoey spurði Cameron, á vikulegum fundi í fulltrúadeild breska þingsins með forsætisráðheranum í dag, hvort ekki þyrfti að rýna í reglur um þyrluflug í borginni í framtíðinni. Vísaði hún til stöðugrar fjölgunar skýjakljúfa í London.

Cameron tók undir með þingkonunni að þótt ekki yrði rýnt í reglurnar samstundis þyrfti að gera það í framtíðinni.

„Hún hefur rétt fyrir sér að þetta er ekki mál sem verður skoðað strax í dag en óhjákvæmilega þarf að skoða það gaumgæfilega,"

Cameron hrósaði ennfremur slökkviliðs-, lögreglu- og sjúkraflutningsmönnum sem komu að slysinu í dag.

„Ég reikna með að allir þingmenn taki undir þakkarkveðjur mínar til björgunarteymisins fyrir þeirra skjótu og faglegu viðbrögð við ástandinu," sagði Cameron um slysið skelfilega.