Reiðhjól sem týndist fyrir 50 árum fannst í miðju tré

Nær hundrað ára gömul kona í Washington ríki hefur fundið reiðhjól sonar síns yfir 50 árum eftir að það týndist. Hjólið fannst inn í miðju stóru tré og hefur tréið greinilega gróið í kringum það í gegnum árin enda er hjólið nú í nokkurra metra hæð frá jörðu.

Konan sem hér um ræðir heitir Helen Puz. Hún varð ekkja árið 1954 og þá fékk hún gefins reiðhjól frá nágrönnunum handa átta ára gömlum syni sínum. Sonurinn var hinsvegar aldrei hrifinn af hjólinu þar sem um stúlkuhjól var að ræða og týndi því fljótlega.

Þau mæðgin hafa bæði farið að tréinu sem gleypti hjólið og staðfesta að um hið týnda hjól sé að ræða.