Gaf dómaranum fingurinn

Penelope Soto, átján ára stúlka frá Flórída í Bandaríkjunum, hefur slegið í gegn á internetinu síðustu daga fyrir framkomu sína í réttarsal. Yfir þrjár milljónir manna hafa horft á myndband sem var sett á internetið fyrir þremur dögum síðan.

Penelope kom fyrir dómara vegna fíkniefnamisferlis. Dómarinn, Jorge Rodriguez-Chomat, spurði hana hversu mikla peninga hún þénaði á viku og sagðist hún eiga „slatta" af skartgripum. „Þetta er ekki grín, við erum ekki á skemmtistað. Þú verður að taka þessu alvarlega," sagði hann við hana.

Niðurstaða dómarans var að hún skyldi greiða 5000 dollara í sekt, um 640 þúsund krónur. Og þá byrjaði ballið.

Hún hló að dómaranum, snéri sér við og sagði „adios" við dómarann, en það þýðir bless á spænsku. Hann bað hana vinsamlegast um að koma aftur og tvöfaldaði upphæðina, í 10.000 dollara, tæplega 1300 þúsund krónur.

Þá snéri hún sér við og sagði „Ertu að djóka? Farðu í rassgat," og gaf dómaranum fingurinn.

Hann var ekki sáttur við þessa framkomu, skiljanlega, og dæmdi hana auk þess í þrjátíu daga fangelsi.

Það var svo í gær sem hún mætti aftur fyrir dómara. Þar var hún örlítið stilltari og samþykkti að fara í meðferð. Ef hún gerði það myndi dómurinn falla niður og sektin yrði 5000 dollarar á nýjan leik.

Hér að ofan má sjá samskipti hennar við dómarann.