Börnin greiði sjálf gæsluna

Annað hvort verða fullorðin börn sjálf að gæta aldraðra foreldra sinna eða kaupa gæslu fyrir þá. Þetta er mat dansks prófessors og heilsuhagfræðings, Kjeld Møller Pedersen, sem Kristilega Dagblaðið vitnar í. Hann segir að stjórnmálamenn verði að búa Dani undir það að þeir þurfi í meiri mæli að annast foreldra sína sjálfir heldur en þeir gera nú.

Pedersen segir að ekki verði til nægir fjármunir á komandi áratug til þess að fjármagna umönnun aldraðra. Eftir 10 ár verða áttræðir og eldri 30 prósentum fleiri en þeir eru í dag.