Lýst eftir Sigurði Rósant

Lögreglan á höfuðborgarsvæðinu lýsir eftir Sigurði Rósant Júlíussyni sem strauk frá unglingaheimili á Suðurlandi þann 6. janúar síðastliðinn. Hann fékk að fara á þrettándabrennu, en hefur ekki skilað sér til baka.

Sigurður er 16 ára um 170 sentimetrar á hæð, grannvaxinn, skolhærður og stutklipptur. Sigurður var klæddur í síða svarta úlpu með loðkraga og gallabuxur. Hann var í svörtum strigaskóm og ber iðulega svarta derhúfu á höfðinu.

Þeir sem geta veitt upplýsingar um verustað Sigurðar eru vinsamlegast beðnir um að hafa samband við lögregluna á höfuðborgarsvæðinu í síma 444 1000.