Sprenging við seðlabankann í Aþenu

Sprengja sprakk í morgun við eina af starfsstöðvum Seðlababanka Grikklands í Aþenu.

Enginn slasaðist í þessari sprengingu en rúður brotnuðu og fjórir bílar skemmdust. Sprengjunni var komið fyrir við hraðbanka og engin viðvörun barst um hana.

Lögreglan í Aþenu rannsakar málið sem hryðjuverk. Töluvert hefur verið um árásir og íkveikjur gagnvart bönkum, erlendum fyrirtækjum og stjórnmálamönnum í Grikklandi á undanförnu ári samhliða hinni djúpu kreppu sem ríkt hefur í landinu.