Hassreykingar gera unglinga heimskari

Ný rannsókn sem unnin var á Nýja Sjálandi sýnir að ungmenni sem reykja hass og marijúana séu í mikilli hættu á varanlegri greindarskerðingu.

Rannsóknin sem náði til þúsund ungmenna og stóð í 20 ár sýnir að þeir sem byrja að reykja hass fyrir 18 ára aldur, meðan heili þeirra er enn að þroskast, mældust með lægri greindarvísitölu en þeir sem reyktu ekki hass. Því meira sem reykt var af hassi því meira minnkaði greind þeirra sem reyktu.

Sérfræðingar telja að þetta skýri verri námsárangur þeirra sem reykja hass, í samanburði við aðra nemendur.