Vilja ekki veita upplýsingar um síma Schjetne

Norska lögreglan leitar enn að Sigrid Schjetne, stúlku sem hvarf fyrr í ágúst. Um helgina var lögð áhersla á að rannsaka símann hennar betur. Lögreglumenn fóru með símann á Østensjø svæðið í Osló, til þess að rekja leiðina sem talið er að Sigrid hafi farið með símann.

Lögreglan vill ekki segja neitt um skilaboð sem voru send með síma Sigrid áður en hún hvarf. „Við vitum meira um símann en við viljum segja og við viljum ekki segja neitt um hvar við stöndum í þessari vinnu," segir Hanne Kristin Rohde, ein þeirra sem stýrir rannsókninni.

Á sunnudaginn leituðu um 150 manns að Sigrid á stóru svæði þar sem skórnir og síminn hennar Sigrid fundust.