Skipstjórinn með þeim fyrstu sem flúði frá borði

Ekki er vitað um sex starfsmenn og ellefu farþega ítalska skemmtiferðaskipsins Costa Concordia, sem strandaði við eyjuna Grigio aðfaranótt laugardags. Alls er því leitað að sautján manns í skemmtiferðaskipinu, en staðfest hefur verið að þrír hafi látist þegar skipið strandaði.

Þremur hefur verið bjargað úr skipinu, þar á meðal pari frá Suður-Kóreu. Skipstjórinn hefur verið handtekinn og er sakaður um að hafa yfirgefið skipið áður en síðasti farþeginn var farinn frá borði og borið ábyrgð á andláti þeirra sem létust.

Franskt par segir í viðtali við AP fréttastofuna að þau hafi séð skipstjórann í björgunarbáti með teppi til þess að hlýja sér, löngu áður en farþegunum var bjargað frá borði. Annar sagði skipstjórann hafa beðið á bryggjunni þegar fyrstu farþegarnir komu þangað eftir að hafa flúið sökkvandi skipið.