Malala komin til Bretlands

Hin 14 ára gamla Malala Yousafzai, sem skotin var í höfuðið í Swat-dalnum í Pakistan í síðustu viku, hefur verið komið undir læknishendur í Bretlandi.

Læknar hafa fjarlægt byssukúlu úr höfði hennar. Stúlkan er meðvitundarlaus og í öndunarvél. Hún hefur þó sýnt jákvæða svörun í rannsóknum taugasérfræðinga.

Malala var flutt á Queen Elizabeth-sjúkrahúsið í Birmingham í dag. Síðustu misseri hefur sjúkrahúsið verið notað til að hjúkra að hermönnum sem særst hafa í Afganistan.

Malala er ötull bloggari og pistlahöfundur. Þá hefur hún barist fyrir rétti kvenna til menntunar. Talibanar virðast þó óttast skoðanir telpunnar og því var ráðist á hana þegar hún var á leið heim úr skóla á þriðjudaginn í síðustu viku.