Obama stóreykur forskot sitt meðal skráðra kjósenda

Barack Obama hefur stóraukið forskot sitt á Mitt Romney meðal skráðra kjósenda í Bandaríkjunum.

Í nýjustu skoðanakönnuninni meðal þessara kjósenda sem unnin var af Ipsos fyrir Reuters kemur fram að Obama er með 48% fylgi en Romney með 41% fylgi. Fyrir rúmri viku síðan voru þeir nær hnífjafnir í sambærilegri skoðanakönnun.

Þá kemur fram í nýrri könnun á vegum NBC sjónvarpsstöðvarinnar að Obama er með forskot á Romney í þremur svokölluðum sveifluríkjum þar sem úrslitin kunna að ráðast. Um er að ræða ríkin Flórída, Ohio og Virginíu.