Pippa Middleton í alvarlegum vandræðum í París

Pippa Middleton, systir Kate eiginkonu Vilhjálms Bretaprins, hefur verið yfirheyrð af frönsku lögreglunni og á yfir höfði sér handtöku og ákæru vegna atburðar sem gerðist á götu í París í gærdag.

Pippa var þar farþegi í sportbíl ásamt þremur vinum sínum. Einn þeirra, ökumaðurinn, dró fram skammbyssu í bíltúrnum og beindi henni að ljósmyndara sem elti hópinn.

Franska lögreglan lítur málið mjög alvarlegum augum en ströng viðurlög eru við að veifa vopnum á almannafæri í Frakklandi. Sá sem gerir slíkt, og allir sem tengjast slíku athæfi eiga yfir höfði sér allt að sjö ára fangelsi.