Ráðningasamningur við Anders Fogh framlengdur

Fulltrúar Atlantshafsbandalagsríkjanna 28 ákváðu á fundi í dag að framlengja ráðningasamning við Anders Fogh Rasmussen, framkvæmdastjóra bandalagsins um eitt ár. Ráðningasamningurinn átti að renna út þann 1. ágúst á næsta ári, en Anders Fogh mun gegna embættinu til 1. ágúst 2014 hið minnsta.

Jyllands-Posten greinir frá því á vef sínum í dag að Anders Fogh hafi nýlega lýst sig reiðubúinn til að gegna starfinu áfram, væri þess óskað. Blaðið segir að yfirleitt sé ráðið í starfið til fjögurra ára en með möguleika á framlengingu. Hingað til hafi allir framkvæmdastjórar sem hafa óskað þess, fengið framlengingu á ráðningu sína.