Rændi mann sem féll á lestarteina

Dómstóll í Svíþjóð dæmdi í dag 28 ára gamlan Túnisbúa, Nadar Khiarui, í eins og hálfs árs fangelsi fyrir að hafa rænt mann sem féll á lestarteina í Stokkhólmi.

Nadar hirti ekki um að bjarga manninum frá lest sem nálgaðist óðfluga. Honum var gert að greiða fórnarlambi sínu rúmlega tvö hundruð þúsund krónur í skaðabætur.

Málið hefur vakið mikinn óhug í Svíþjóð. Myndband úr öryggismyndavél sýnir þegar maðurinn fellur á lestarteinana. Því næst stekkur Nadar niður og hirðir eigur hans.

Hann forðaði sér síðan undan lestinni sem ók yfir manninn. Hann missti annan fótinn í slysinu. Nadar verður rekinn úr landi eftir að hann líkur afplánun.