Sir Paul McCartney hlaut æðstu heiðursorðu Frakklands

Tónlistarmaðurinn Sir Paul McCartney hefur hlotið æðstu heiðursorðu Frakklands fyrir framlag sitt til tónlistarinnar.

Um er að ræða orðuna Legion of Honor og það var Francois Hollande forseti Frakklands sem afhenti McCartney orðuna við hátíðlega athöfn í Elysee höllinni í París um helgina.

Með þessum heiðri bætist Bítilinn fyrrverandi í hóp listamanna á borð við Clint Eastwood, Baraböru Streisand og Lizu Minelli sem einnig eru handhafar þessa heiðurs.

Áður hefur McCartney hlotið riddaranafnbót úr hendi Elísabetar Bretadrottningar og hefur því getað kallað sig sir frá árinu 1997. Í umfjöllun á BBC um málið er haft eftir McCartney að það væri mikill heiður fyrir sig að hafa hlotið þessa orðu.

McCartney kom síðast fram opinberleg á opnunarhátíð Olympíusleikana í London í sumar og þáði þá málamyndagreiðslu upp á eitt pund fyrir að syngja á aðalsviði hátíðarinnar.

McCartney og félaga hans Johns Lennons verður minnst í sögunni fyrir að hafa samið og flutt mörg af vinsælustu dægurlögum síðustu aldar. Lög á borð við Yesterday, Hey Jude og A Hard Day´s Night.